Ақын отбасы туралы білгім келеді

Оразалы ақынды халқымыз жақсы біледі. Ақынның жары Ажар Түзелбекқызы да дүниеден өтті. Ажар жайлы және осы отбасында туған балалардың тағдыры туралы білгім келеді.
Нұрзият, Қызылорда облысы
Күллі қазақты талантымен мойындатқан Ора­за­лыдай айтыскер ақынға адал жар болған қазақ эстрадасының өкілі Ажар Түзелбекқызы Оңтүстік Қазақстан облысы Созақ ауданындағы Тасты ауы­лында көпбалалы отбасында туған. Үйдегі алты баланың кенжесі. Ажар ауыл мектебін та­мам­даған соң Алматыға келіп, Т.Жүргенов атын­дағы Қазақ ұлттық өнер академиясында оқы­ды. Қазақ тыңдармандарына «Анаға хат», «Сағындым сені» әндерімен жақсы танылған әнші Оразалы ба­қилық болғаннан кейін артынан қалған мұ­расын жинақтап, жоқтаушысы бола білді. Елі­міз­дің қай өңіріне гастрольдік сапармен барса да, ол әр концерттік бағдарламасын Оразалыны еске алу сипатында өткізетін. Ал Ораздан қалған екі тұяқ – Нұрайша мен Нұрсұлтан бүгінде А.Жұ­банов атындағы музыка мектебінде білім алуда. Ажардың кейінгі жолдасынан да екіден енді асқан бір бала қалды. Балалар бүгінде туыс­та­ры­ның қамқорлығында. Биылғы жылдың мамыр айында жол апатынан көз жұмған Ажар Түзел­бек­қызына топырақ туған ауылынан бұйырды.