АҚ пен ЖАҚ-тың айырмашылығы не?

Жабық акционерлік қоғамның акционерлік қоғамнан қандай айырмашылығы бар?
Талғат Нысанбаев, Ақтөбе
Акционерлік қоғам (АҚ) – жарғылық қоры акционерлердің арасында тара­тылған акциялардың белгілі бір саны­на бөлінген заң­ды тұлға, мұндағы акция­лардың саны олар­дың пайдадан өзінің үле­сін (дивидендтер) алуы құқығын куә­лан­дырады. Акционерлер АҚ міндет­те­мелері бойынша жауап бермейді және оның қызметімен байланысты залал­дар­ды шегуге өздеріне тиесілі акциялар ше­гінде тәуекел етеді. Бағалы қағаздар шы­ға­ру арқылы қаржы ресурстарын жұ­мылдыру акцио­нер­лік қоғамның басты артық­шылығы болып табы­лады.
Жабық акционерлік қоғам – акция­лары тек өз құрылтайшылары немесе ал­дын ала белгіленген өзге адамдар ара­сында таратылатын АҚ. ЖАҚ өзі шы­ға­ратын акцияларды тек жабық тә­сіл­мен ғана орналастыруға құқылы. Өз ак­ция­ларын сатқысы келетін жабық ак­цио­нер­лік қоғамның акционері оларды қоғам­ның басқа қатысушыларына сатып алуды ұсы­нуға, олар бас тартқан жағдайда қо­ғам­ның өзіне сатып алуды ұсынуға мін­детті.