Апельсин шырынын көп ішу зиян емес пе?

Балаларым апельсин шырынын ішкенді жақсы көреді. Апельсин сөлінің қандай пайдасы бар? Оны көп ішкеннің зияны жоқ па?
Бақытгүл Сәрсенбаева, Алматы қаласы
Апельсин шырыны – адамның тә­бетін жақсартатын өнім. Ме­ди­ци­на­да оның ең әуелі С дәрумені же­тіс­пеушілігінен болатын құрқұлақ ауруына қарсы бірден-бір ем екені дәлелденген. Тропикалық өнімнің сө­лі тіс пен қызыл иек арасын бак­те­рия­лардан тазартып, нығайтады. Апельсинді науқастардың ағзасын қалпына келтіру үшін де қолдануға болады. Әсіресе ол бауыр, жүрек, қан тамырлары, гиповитаминоз ау­­ру­ларымен ауыратындар үшін аса пайдалы. Өнім құрамындағы био­ло­гия­лық белсенді заттар мен пек­­тин­дер ас қорыту және тоқ­ішек­тің мо­тор­лы қызметін жақсартып, ішек­терді табиғи қалдықтардан тазартады. Адам­ның күнделікті ас мәзірінде апельсин немесе оның шырыны та­ма­ша десерт ретінде қолданылуы тиіс. Жеміс сөлін ба­лалардың көп іш­кенінен зиян жоқ.