Антиглобализм кімге қарсы қозғалыс?

Қазіргі кезде бұқаралық ақпарат құралдарынан антигло­ба­лис­тер­дің қарсылық әрекеттері туралы көріп жатамыз. Антиглоба­лизм­­нің мәні не?
Алтай БАЙЖАНОВ, Ақтөбе облысы
Аты айтып тұрғандай, антигло­бализм – қазіргі кездегі жаһандану­дың белгілі бір үрдістеріне, әсіресе Дүниежүзілік сауда ұйымы секілді трансұлттық, сауда-үкіметтік ұйым­дар­ға, әлеуметтік теңсіздікке қарсы бағытталған саяси қозғалыс. Әлем­дегі антиглобалистік топтар қата­ры­на марксистер, пацифистер, жа­нуар­лар­ды қорғаушылар, анар­хис­тер, «жа­сылдар», изоляцио­нис­тер, ұлт­шыл­дар, экологиялық, сту­денттік, со­ғысқа қарсы қозғалыстар, аборт жа­сауға қарсы, тұтынушы құқығын қор­ғаушылар ұйымдары кіреді. Қа­зіргі кезде әлемде 2500-ден астам антиглобалистік ұйым­дар бар екен. Әлемнің әр еліндегі антиглобалистік ұйымдар Бүкіл­әлем­дік әлеуметтік фо­рум аясына топ­тасқан.
Антиглобалистер  «үшінші әлем» елдері мен да­мыған елдер арасын­дағы алшақтықты азайтуды көздеп, нео­либерализм идеоло­гия­сының үс­тем­ді­гіне, бұқаралық поп-музыкаға, шы­ғармашылық ер­кін­­дікті тұншықты­ру­ға, ақылды «стан­­дарттауға», таби­ғатты жырт­қыш­тықпен пайдалануға, ортаға за­лалды өнеркәсіпке қарсылық біл­­діреді. Мә­селен, 1998 жылы Фран­­цияда анти­глобалистік «АТ­ТАК-Франция» қа­уым­дастығы барлық қаржылық опе­рациядан түскен пай­да­ның 0,1 пайызы кедейлікпен кү­реске және дамушы елдердің эконо­ми­касын көтеруге бағытталған «То­­­бин салы­ғын» енгізуді талап етті.