Әнші қыздың есімі кітапқа не үшін енген?

«Қазақстан» ұлттық арнасындағы «Айтуға оңай» бағдарламасының ерекше талант иелері туралы бір хабарына қатысқан рок әншісі Әсем Көпбаева өзінің қазақстандық рекордтар кітабына енгенін білмейтінін айтып қалды. Әнші қыздың есімі кітапқа не үшін енген және онда басқа кімдер бар?
Мұхит АЛДИЯР, Алматы
Әсем Көпбаева қазақстандық ре­корд­тар кітабына рок-музыканы қазақ ті­лінде орындайтын, ұлты қазақ тұңғыш әнші қыз ретінде енген. Бір қызығы, Әсем­нің есімі бұл кітапқа 2009 жылы қосылған. Өзінің айтуынша, әнші қыз оған ену үшін айтарлықтай ештеңе істе­ме­ген, ондай кітаптың бар екенін осыған дейін тіпті білмеген және рекордтар кіта­бына енуге ешқашан тырыспаған да екен.
Гиннесстің рекордтар кітабынан бір ер­ек­шелігі – қазақстандық рекордтар кіта­бында адами іс-әрекеттің кез келген са­ласы бойынша еліміздің аймағында орын алған рекордтар туралы мәліметтер жи­нақталған. Аталған жобаның баста­ма­шы­сы – «Тұран» университетінің қыз­мет­кер­лері. Кітапқа Әсеммен қатар, Олим­пиа­да чемпиондары Жақсылық Үш­кем­піров, Ольга Шишигина, ең жас қазақ­стан­дық суретші Томирис Серік есімі де енген.