Әмір Темір қай елдерді бағындырған?

Әмір Темір жаулап алған елдер жайлы білгім келеді.
Есім, Түркістан қаласы
Әмір Темір жасақтары Хорезм мемлекетін (1372-1388), Шығыс Түркістан (1376), Герат (1381), Хорасан (1381), Қандағар (1383), Сұл­тания (Оңтүстік Әзербайжан, 1384), Тебриз (1384), Иран және Ауғанстанды толық бағындырған. Темір әскері бірнеше дүркін жойқын жорықтан соң Алтын Орданы күй­ретті. 1370-1390 жылдары Тоқтамыс хан мен Едіге әмірдің арасындағы алауыздықты шебер пайдалана отырып, Дешті Қыпшақ, Ақ Орда мен Моғолстанға 10-нан астам жойқын соғыс жорығын жасады. Әмір Темірдің Алтын Орда­ны талқандауы Ресейдің тәуелсіздік алуына оң жағдай жасады. 1390 жылдары Әзірбайжан, Дағыстан, Гүржістан (Грузия), Ирак Әмір Темір мемлекетінінің құрамына енді. 1398 жылы Үндістанды басып алды. Сирия мен Лубнан (Палестина) мәмлүктері бағынды­рылды. Сондай-ақ Азияның басқа мемлекет­тері де Әмір Темірдің билігін мойындады. 1402 жылы жазда Әмір Темір Анкара шай­қасында Осман империясының негізгі әскери күшін талқандап, түрік сұлтаны Илдырым Бая­зидті (Баязид) тұтқындады. Әмір Темір 1405 жылы Қытайға жорыққа шығып, жолда Оты­рарда қайтыс болған.