Алтын Орда заманындағы ақша қандай болған?

Алтын Орда заманындағы ақша үлгілері қандай болған, оларға қандай суреттер басылған?
Жансая Нұрбақыт, Алматы қаласы
Энциклопедиялық анықтамалықтар Ал­тын Орда теңгелері орта ғасырлардағы металл ақша болғанын жазады. Алғаш XIV ғасырдың тұсында Бұлғар қаласында Берке хан соқтырған (1257-67 ж.ж.). Ал­ғаш­қы тең­ге­лерге Бағдат халифы ән-На­сыр­дың аты, кейін моңғол хандары Мең­гу, Арықбұға тағы басқа да Алтын Орда хандарының ат­тары жазылды. Сарай­шық­тағы қазба жұ­мыстары кезінде та­был­ған тиындардың ең көнесі –Тоқтамыс хан теңгесі. Ал кейінгілері Сарайда со­ғыл­ған Өзбек хандікі. Оның дихремдері мен пұлдарында мұсылман дінінің сун­нит символдары салынған. Әр қалада соқ­тырылған теңгелердің өз ер­екше­лік­тері бар. Кейбір теңгелерде соқ­тыр­ған хан­ның аты мен жылы жазылса, кейбі­реу­лерінде әртүрлі тамғалар: жануар­лар­дың, құстардың, балықтардың сурет­тері, гео­метриялық өрнектер бейне­лен­ген. 1996-1997 ж.ж. Батыс археологиялық экс­пе­ди­циясы (жетекшісі З.Самашев) Са­рай­шық­қа жүргізген қазба жұмыстары бары­сын­да Тоқтамыс ханның рәміздері са­лын­ған күміс және мыс тиындар табылған.