Көктөбеде салынып жатқан мешіттің биіктігі қанша? Мешіттің сыйымдылығы қанша болмақ және мешіт құрылысы қашан аяқталады?
Мұсахан ӘДІЛҚОЖА, Алматы облысы
Мешіт құрылысы үшін Көктөбенің маңайынан 16 гектар жер бөлінген. Алты қабатты жаңа мешіт 20 мың адамға шақталып салынуда. Күмбезінің биіктігі Пайғамбарымыздың жасына сәйкес, 63 метр, мұнаралары шамамен 83 метрге жуық болады.
Мұнда медресе, қонақүй, кітапхана, мәжіліс залы да қарастырылған. Қазақстанның бас мүфтиятының резиденциясы да осында орналастырылмақ. Шамамен 45 млн долларлық инвестициялық жоба осы жылы аяқталуы тиіс. Мешітке апарар жолды салғанда экология жағы жіті ескерілмек.