Алматыда қанша жоғары оқу орны бар?

Бір кездері еліміздің бас қаласы болған Алматыда бүгінде жо­ға­ры оқу орындарының саны азайып бара жатыр дейді. Сол рас па?
Айнагүл ЖҰМАҒАЛИЕВА, Алматы қаласы
ҚР Статистика агенттігінің де­рек­те­ріне қарағанда, бүгінде елі­міз­де бар­лығы 149 жоғары оқу орны қызмет етіп жатыр. 2003 жы­лы бұл көрсеткіш 180 болған. Рес­публика бойынша жо­ғары оқу орын­дарының Алматыда көп тір­кел­гені белгілі. Алматы қаласының әрбір бесінші тұрғыны – студент. Де­­ген­мен «студенттер қаласында» соң­ғы кездері, шынымен де, жоғары және орта арнаулы оқу орын­да­рының қа­та­ры азайып келеді. Ай­та­лық, 2003-2004 оқу жылында оң­түс­тік астанада 70-ке жуық жоғары оқу орны қызмет еткен болса, биыл­ғы оқу жылында олардың саны 52 ғана болды. Рес­пуб­лика бойынша Алматы, Солтүстік Қазақстан, Аты­рау, Маңғыстау об­лыс­та­рында да ЖОО саны аз, әр­қай­сысында екі-үш институт немесе уни­вер­си­теттен бар. Елордада 13 жоғары оқу орны жұ­мыс істейді.