Алматыда ашылған спорттық академиялар

Сіздердің газеттеріңіз арқылы Алматы қаласында футболдан Тимур Сегізбаев академиясының ашылғанын оқыдым. Биыл оңтүстік астанамызда одан басқа спорттық тұлғалардың атындағы академиялар ашылды ма екен?
Айбек Жармұханұлы, Алматы қаласы
Қазақтың Спорт және туризм акаде­миясының ректоры Қайрат Заке­рь­иянов­­тың тікелей мұрындық болуымен атал­мыш оқу орнының қабырғасында бұған дейін Олимпиада чемпиондары Әлжан Жармұхамедов пен Нелли Ким атындағы баскетбол және көркем гимнастика академиялары ашылған болатын. Елі­мізге танымал екі спортшы да академия ашылған тұста өздері келіп, осы акаде­мияда тәлім алатын шәкірттерге батасын беріп, өз білгендерін үйретуге уәде бер­ген еді. Тіпті Әлжан ағамыз осы ака­д­е­мия шәкірттерінен команда жасақтай­мын деген арманын айтқан еді. Мұның бар­лығы – аталмыш жоғары оқу орнында тәлім алып жатқан студенттерге теория­лық білімін тәжірибе жүзінде ұштас­тыруы­на жасалған мол мүмкіндік.