Дүниежүзі бойынша саяси партиялар қай кезден бастап құрыла бастады? Ең алғашқы партиялар қайсы?
Сұңғат, Алматы облысы
Саяси партиялардың пайда болуы демократияның дамуымен байланысты. XVIII ғасырға дейін билік сайланбайтын патша, король, шах, хандардың қолдарында тұрған кезде саяси партияларды ұйымдастыруға ешбір мүмкіндік болған жоқ, себебі оны құруға билік рұқсат берген жоқ.
Алғашында саяси партиялар клуб, әдебиеттік бірлестіктер, қоғамдық ұйымдар түрінде болды. Жалпы, саяси партиялардың ұйымдастырылуы XVIII ғасырдан басталып, XIX ғасырда дүниежүзінде көптеген ірі, беделді партиялар жұмыс істей бастады. Мысалы, 1828 жылы АҚШ-та демократиялық партия өмірге келсе, көпшілік партия болып 1861 жылы Ұлыбританияның либералдық партиясы құрылды. Одан кейін Германияда 1863 жылы жалпы Германияның жұмысшы Одағы партиясы құрылды. XIX ғасырдың 80-жылдары дүниежүзінің 100-дей елдерінде 500-ден астам саяси партиялар қалыптасты. Партия әдетте бағдарламалық құжаттарда көрсетілген ортақ саяси бағытты, көзқарастарды ұстанған азаматтардың белгілі бір тобын біріктіретін ұйым. Нақты әлеуметтік-таптық мүддені білдіретін идеология мен саяси бағытты басшылыққа ала отырып, оны іске асыру үшін партиялар мемлекеттік билікке келуге ұмтылады.
Алғашқы саяси партиялар қай кезде құрылды?
Последние статьи автора