Google іздеу жүйесінің мәліметі бойынша, соңғы кездердегі әлемнің ең танымал теннисшісі болып үндістандық Саня Мирза атаныпты. Мәселен, бұл теннисшіні мен мүлдем танымаймын. Танитындар да соншалықты көп деп ойламаймын. Сонда Google қандай критерийлерге байланысты үндістандықты бәрінен де танымал деп тапты?
Бота Жабытаева, Алматы қаласы
Ғаламтордағы аталмыш іздеу жүйесі таратқан мәлімет бойынша, Саня Мирза, шынымен де, соңғы кездердің ең танымал теннисшісі екен. Нақтырақ айтқанда, үндістандық теннисшіні Google-ден іздеушілер өте көп болған.
Айта кетейік, WTA рейтингінде 60-орынға ие Саняны Үндістаннан бөлек, Google-ден Пәкістан, Сауд Арабиясы және Польша елдерінен көп іздейді екен. Ал бұл тізімде екінші орында Серена Уильямс тұр. Серенаны да Үндістан ғаламторында көп іздейді екен. Сондай-ақ АҚШ, Австралия және Канадада да Уильямсты іздеушілер көп.
Google іздеу жүйесі бойынша, әлемнің ең танымал теннисшілері:
1. Саня Мирза (Үндістан). 2. Серена Уильямс (АҚШ). 3. Мария Шарапова (Ресей). 4. Винус Уильямс (АҚШ). 5. Анна Курникова (Ресей). 6. Ана Иванович (Сербия). 7. Каролин Возняцки (Дания). 8. Ли На (Қытай). 9. Ким Клийстерс (Бельгия). 10. Жюстин Энен (Бельгия).
Әлемнің танымал теннисшісін танисыз ба?
Последние статьи автора