Әлемнің ең танымал спортшысы кім?

Әлемде атақты спортшылар өте көп. Бірақ менің білгім келетіні, солардың ішіндегі ең танымалысы кім?
Дархан ТОҚМОЛДАЕВ, Алматы қаласы
Әр спорттың өз танымал тұлғасы бо­лады. Мәселен, теннисші дегенде көз ал­­дыңызға испандық Рафаэль Надаль мен швейцариялық Роджер Федерер ке­­ле­тіні анық. Ал «Формула-1» спортшы­­­сы десе есіңізге бірден Михаэль Шума­хер түседі. Сол сияқты баскет­бол­­шы де­ген­де көпшілігіңіз Майкл Джорданды еске аласыз. Дегенмен бүгінде Джорданға қарағанда «Орландо Мэд­жик» клубы­ның ойыншысы Дуайт Ховард­­­тың таны­мал­дылығы артып тұр-ау. Олай дейтініміз, ҰБЛ жұлдыздарының ара­сын­дағы матчқа ойын­шылар таң­дау нәтижесінде Ховард ең көп ұпай жинапты.
Ал жақында www.lalistawip.com пор­талы әлемнің ең танымал спортшыла­ры­ның тізімін жариялады. Олар спорт­шыларды интернетте есімі ең көп атал­ған­­дары бойынша жіктеген көрінеді. Нәти­же­­сінде, ағылшындық футболшы Дэвид Бекхэм­нің есімі ғаламторда 42 202 836 рет атал­ғаны белгілі болды. Екінші орын – Криштиану Роналдудың (32,5 млн) еншісінде. Ал үшінші орынға теннисші Рафаэль Надаль (27,9 млн) ілік­кен болса, төртінші және бесінші орын­­дар да футболшыларға тиесілі. Олар – бразилиялық майталман Рональдиньо мен есімі ғаламторда 20,1 млн. рет атал­ған Андрей Аршавин.