Әлемдегі салмағы ең ауыр адам
Әлемдегі салмағы ең ауыр адам Хосе Луис Гарсаны осыдан үш жыл бұрын қайтыс болды деп естідім. Енді спорт әлеміндегі алып адамның кім екенін білгім келеді...
Гүлжазира ЛЕКЕРОВА, Тараз қаласы
Жер жүзіндегі ең ауыр спортшының есімі – Эмануель Ябраух. Сумо спортын серік еткен Ябраухтың салмағы – 402 келі. 1964 жылы 6 қыркүйекте дүниеге келген ол түскі тамақ ішуге екі сағат уақытын жұмсайтын көрінеді. Алып америкалықтың тек қана түскі тамағы үшін бір айда 10 мың доллар көлемінде қаражат кетеді. Негізінен, сумошыларға күріштен жасалған тағамдар жеген пайдалы. Алайда Америка спортшысының тез дайындалатын тағамдарға тәбеті тартып тұрады екен. Эмануель – балалар сумосын дамыту қорының белсенді мүшесі. Сонымен қатар жастар арасында сумоны насихаттауға зор үлес қосып жүр. Жапондардың ұлттық спортынан әлемнің жеті дүркін чемпионы атанған ол Жапония, Франция, Үндістан, Польша және т.б. мемлекеттерде өнер көрсеткен.
