Әлемдегі ең ұзын сақалды адам кім?
Дүниежүзінде сақалы ең ұзын адам кім және сақалының ұзындығы қанша?
Асхат Медетов, 9-сынып оқушысы, Түркістан қаласы
Бүгінгі күнде сақалы ең ұзын адам канадалық мұғалім, үнді тумасы Сарван Син екен. Ол азаматтың сақалының ұзындығы – 1,89 метр. Оның сақалын Гиннесстің рекордтар кітабына енгізу үшін Сюррей қаласына жиналған жюри мүшелері мен көрермендер Сарван Синді үстел үстіне шығарып қойып өлшеген. Көптеген индустар «ұзын сақал – Жаратқанның сыйы» деп түсінетін көрінеді. Бұған дейін сақалы ең ұзын адам болып тағы бір үнді азаматы есептелген. Оның сақалының ұзындығы – 1,83 метр. Ол 1977 жылы Гиннесстің рекордтар кітабына енгізілген.
Әлемдегі сақалы ең ұзын әйел – Дженис Девери. Оның сақалының ұзындығы 36 см болған. АҚШ-тың Кентукки штатында жасаған Дженис Девери Гиннесстің рекордтар кітабына 1884 жылы енгізілген екен.
