Әлемдегі ең бай саясаткер – Сүлеймен

Әлемдегі ең бай саясаткерлер туралы білгім келеді.
Нұрбек Қуанышұлы, Алматы
Қоғам арасында кім саясатпен айналысса, сол адамды бай деп есептеу қалыптасқан. Алай­да саясаткерлері табыстарын жария етіп отыратын Батыста байлықтары бүкпесіз айты­лып, жазылады. Ұлыбританиялық The Times газе­тінің өткен жылдың соңында жасаған қо­ры­тындысы бар. Бұл басылымның рейтингісін­дегі саясаткерлер туралы айтар болсақ, әлем­дегі ең бай саясаткер Ресей Федерациясы кеңе­сіндегі Дағыстан Республикасының өкілі Сүлеймен Керімов атанған. Оны мұндай атақ­қа жеткізген – 17,5 млрд доллар жеке қара­жаты. Керімовтің негізгі активтері – «Газпром­да», «Сбербанкте», Мәскеу қалалық телефон же­лісінде және т.б. Үздік үштікте Нью-Йорк қа­ласының мэрі Майкл Блумберг пен Париж шаһарының маңындағы Корбей-Эссон атты шағын қаланың басшысы Серж Дассо бар. Ал­ғашқысы – медиамагнат. Оның акциялары «Блум­берг-Ньюс» әлемдік қаржы жаңалық­та­ры­ның желісі мен телеарналарда, радиостан­ция­ларда көрінеді. Ал Дассоның әулетіне ірі Das­sault Aviation авиаконцерні тиесілі. Аталған газетте украиналық саясаткерлер Ринат Ахмет­ов (7,3 млрд доллар) пен Константин Жеваго­ның (3,4 млрд доллар) да аттары аталған.