Әлемдегі ең бай мемлекеттер
Әлемдегі ең бай мемлекеттерді атап көрсетсеңіздер екен.
Бекболат Шоқан, Алматы облысы
Сатып алу қабілеті паритеті (СҚП) есебінде жалпы ішкі өнім көлемі бойынша алғашқы орында АҚШ тұр, оның ЖІӨ көлемі – 12 трлн доллар. Екінші орында – Қытай, жалпы ішкі өнімі 10 трлн долларды құрайды. Келесі кезекте Жапония мен Үндістан – 4 трлн доллар. Алғашқы бестіктің құрамына Германия да кіреді – 2,5 трлн доллар. Бұдан кейінгі орында Ұлыбритания, Франция, Италия, Ресей және Бразилия тұр. Оларда ЖІӨ шамамен 1-1,5 трлн долларды құрайды. Канада – 12, Түркия – 18, Иран – 19, Украина 29-орында. Жалпы саны 200-ге тарта мемлекет есепке алынған бұл тізімде Қазақстан 55-орында тұр. Сатып алу қабілеті паритеті бойынша жалпы ішкі өнім көлемі 167 млрд АҚШ долларын құрайды.
