Әлем халықтарының дүниетанымындағы ұлу бейнесі қандай?

Биыл ұлу жылы ғой. Ұлу батыс пен шығыста, басқа да халықтардың дүниетанымында қандай нышанды білдіреді, қандай ұғымдармен байланысты?
Гүлім РЫСКЕЛДИЕВА, Алматы қаласы
Ұлу ежелгі Мысыр мен Вавилонда мәңгілік пен өсіп-өнудің нышаны бол­ған. Ал ортағасырлық Еуропа ха­лық­тарында ұлу – күнә мен ерін­шек­тіктің символы. Мұсылман діні ұлуды күдіктің, күмәннің, ал буддизм төзім­діліктің және беріктіктің белгісі ретінде қарастырады. Италияның Гон­зага текті әулетінің кейбір герцогтері ұлуды өз бойтұмары етіп қас­тер­леген. Олардың «Өз мүлкім өзім­мен бірге» деген ұраны да ұлудың табиғи болмысынан туын­даған. Хал­қы­мызда ұлу – 12 жыл­дың бір иесі. Су жән­дігінің меншігіндегі жылда шөп бітік шығып, мал мен жанның азығы түгел болады деген сенім қалып­тасқан.