Айнаның отаны қайда?

Қазір тұрмысымыздың басты тірегіне айналған айнаның отаны қай ел? Қашан пайда болғаны туралы айтсаңыздар екен?
Жарқын ТЕМІРБОЛАТ, Қызылорда
Ең алғашқы айна – шалшық су болғаны белгілі. Бірақ оны өзіңмен бірге алып кете де, үйіңе іліп қоя да алмайсың. Ойыс айна түрі алғаш 1240 жылы, шыныдан қыш ыдыс­тар жасала бастаған кезде пайда болған.
Шебер үлкен шар үрлеп, тру­б­каға ерітілген қалайы құйып, қа­ла­йы ыдыс бойымен жан-жаққа тегіс тарап кепкенде, шар бөлшек­теніп сынып қалған. Енді мұндай айнаға қанша қараймын десеңіз де өз еркі­ңіз, бірақ біраз бейнеңізді қисайтып көрсетеді.
1500 жылы Францияда жазық шыныны сынаппен дымдап, бетіне жұқа қалайы фольга жапсыруды ойлап тапқан. Бірақ жазық шыны­лар Францияда қымбат болғандық­тан, оларды Венецияда жақсы жа­саған. Венециялық көпестер фла­ман­длықтардан патентті сатып алып, бір жарым ғасыр бойы «ве­не­циялық» айна өндірісіне монопо­лияны ұстап тұрған. 1,2 м де 80 см-лік айна Рафаэльдің кескіндеме­сінен екі жарым есе қымбат тұр­ған.
Венеция сол кезде өнертабысқа патент беретін тұңғыш ел болған. 1507 жылы ағайынды Данзало дель Галлолар шыны айна шығаруға патент алған.
Мұндай айнаның алғашқыла­ры­ның бірі француздық Венсан де Боваға тиесілі. Оның айтуынша, айнаның шынысының астыңғы жа­ғына қорғасын қойылады. Ал 1773 жылы Нюрнбергте айнашы­лар цехы ашылған болатын. Содан бері бұл европалықтардың маңызды қолөнері болып келеді.