Адвокат болғым келеді...

Елімізде адвокат қызметіне байланысты заңға бірқатар өзгеріс енгізілген екен. Олар қандай өзгерістер?
Жолдасбек ЕРКІНҰЛЫ
Елімізде адвокатура мә­се­ле­лері бойынша кейбір заң акті­леріне өткен жылы өзге­ріс­тер енгізілген еді. 21 қаңтардан бастап күшіне енген өзгерістер адвокат қызметіне ниет біл­дір­гендерді аттестациядан өт­кі­зуге, үміткерлердің тәжі­ри­беден өтуіне байланысты мә­се­ле­лерді реттеуге арналған комиссия жұмысының ашық­ты­ғын, сондай-ақ адвокаттар ұсынатын қызмет сапасын ба­қы­лауды қамтамасыз етуге арналған.
Заң адвокаттар кол­ле­гия­сына қабылданатын ад­во­кат­тарды ауылдық елді мекенде үш жылдан кем емес мерзімде осы қызметті жүзеге асырған жағ­дайда алғашқы мақсатты жарна төлеуден босатады. Сондай-ақ жүктілігіне бай­ла­ныс­ты немесе үш жасқа дейінгі мерзімде баламен үйде отыр­ған­дар, уа­қыт­ша қызметке жа­рам­сыз деп танылғандықтан екі айдан астам мерзім бойы ад­во­кат­тық қыз­метті жүзеге асыра алмағандар ай сайынғы мүшелік жарнаны тө­леуден бо­са­ты­ла­ды.
ҚР әділет вице-министрі Әмір­хан Аманбаевтың пікірін­ше, заң ережелері адвокатура қыз­метін ұйымдастыруды әрмен қарай жетілдіруге, адвокат ма­ман­­дығына қолжетімділік мә­се­лесінде сыбайлас жемқор­лық­ты төмендетуге бағыт­тал­ған.