Абылай күйлері бізге жеткен бе?

Абылай соғыс техникасын жетік меңгерген ұлы қолбасшы ғана емес, шебер күйші де болған, әр жорығына арнайы күй шығарған деседі. Ал сол күйлері бүгінге жеткен бе? 
Бекзат ТӨРЕГЕЛДИЕВ, Қапшағай қаласы
Шынымен де, Абылайдың сөз бастаған шешен, ел бастаған көсем, жау қашырған батыр екенін білге­німен, оның дарынды күйші болға­нын біреу біліп, біреу білмейді. Абылайдың бізге жеткен «Ақ тол­қын», «Алабайрақ», «Бұлаң жігіт», «Дүние қалды», «Жетім торы», «Қай­ран елім», «Қара жорға», «Майда жел», «Шаңды жорық» сияқты басқа да бірқатар күйлері бар. Негізі, Абылайдың ерлігін, кісілігін, биіктігін күйлерінің атауынан-ақ байқауға болады. Формасы, болмысы жағы­нан Абылай ханның күйлері – өте бірегей, ерекше деммен, ырғақ­пен орындалатын дүниелер. Күйлері де авторы сияқты ешкімге ұқсамай­тын, дара болып келеді. Шығарма­лары­нан Абылайдың ішкі толғаныс­тарын, сезімдерін, болмы­сын аңға­руға болады.