Абель сыйлығы кімдерге беріледі?

Ғылым, саясат пен әдебиеттегі сенсациялық жетістіктер үшін Нобе­ль сыйлығы берілетінін білеміз. Ал Абель сыйлығы деген не?
Арман ДОСМАҒАНБЕТОВ, Ақтөбе қаласы

Абель – 2003 жылдан бері мате­матика саласы бойынша қазіргі заманның көрнекті ғалымдарына берілетін сыйлық. Халықаралық сыйлық тоғыз жыл бұрын әйгілі нор­вег математигі Нильс Хенрик Абельдің құрметіне орай тағайындалды. Бұл сыйлық материалдық жағынан шытырман есеп шеберлеріне беріл­мейтін Нобельдің орнын толтырады. Өйткені оның сыйақы мөлшері Но­бель сыйлығы құнымен пара-пар, яғни 1 млн АҚШ долларына жуық. Осы кезге дейін Абель сыйлығын сегіз адам иеленді. Олардың арасында қазақстандықтар жоқ. Айта кетейік, математиктерге 1924 жылдан бері Фил­дс сыйлығы да беріледі. Ол алге­бралық функциялар ілімінің негізін қалаушы канадалық ғалым Джон Чар­льз Филдстің құрметіне орай бел­гіленген.