60-тан асыруға болмайды

Әл-Фараби даңғылы бойында орнатылған, көлік құралдарының жылдамдығын реттейтін «60», «70», «80» деген жол белгілері қазіргі уақытта жоқ. Бұл жол белгілері неліктен алынып тасталған? Енді әл-Фараби даңғылымен автокөліктердің қандай жылдамдықпен қозғалуына рұқсат етіледі?
Елдос РАХЫМҚҰЛОВ, Алматы қаласы

Бұл сауалға Алматы қалалық ІІД Жол по­лиция басқармасы бастығының орынбасары Е. Құсайынов жауап береді:
– Бүгінгі таңда әл-Фараби – Достық, әл-Фа­раби – Фурманов, әл-Фараби – Жароков көшелері қиылысында жол айрығын салу жұмыстары жүргізілуде. Жөндеу жұмыстары жеке учаскелерде жол қозғалысының ұйым­дас­тыруын өзгертуге мәжбүр етті. Жөндеу жұ­мыстары аяқталғаннан кейін, сараптама жасалып, жаңа жол қозғалысын ұйымдастыру жоспарына сәйкес жол белгілері Қазақстан Республикасының Стандарттарына және СНиП-ке сай қайтадан орнатылады.
Қазақстан Республикасының жол қозға­лы­сы ережесінің 10.2 пунктіне сәйкес, егер жыл­дамдықты шектейтін жол белгілері бол­ма­са, елді мекендерде көлік құралдарының 60 шақырым/сағаттан артық емес жылдам­дық­пен қозғалуына рұқсат етіледі.