«105» қандай қызмет?

Жуырда теледидардан еліміздегі теміржол бекеттерінен тегін ақпарат алуға болатын бірыңғай телефон желісі іске қосылғанын естідім. Оның нөмірі қандай?
Мұхаммед Ерсайын, Ақтөбе қаласы
«Қазақстан теміржолы» ұлт­тық компаниясы өкілдерінің хабар­лауынша, теміржол бекеттерінде бірыңғай анықтамалық қызмет желісі маусымның бірінен бастап іске қосылды. Оның нөмірі – «105». Телефон желісі Ақтау, Атырау, Қызылорда, Қостанай, Павлодар, Тараз, Шымкент, Орал, Семей, Арыс, Аягөз, Түркістан, Түлкібас, Шу және Сарышаған қалаларындағы вокзалдарда ен­гі­зілді. Ал үлкен көлік торабы саналатын Астана, Алматы, Ақтөбе және Қарағанды қалаларында мұндай байланыс қызметі бұ­рыннан бар. Жолаушылар пойызы қозғалыстарына қатысты барлық ақпаратты осы желі арқылы алуға болады. Ұлттық теміржол ком­паниясы мамандарының ай­туын­ша, жалпыға ортақ бірыңғай бай­ланыс жүйесіне әлі 112 бекет қосылмақ.