Құралай ханым: "ҰБТ тапсыратын түлекке қандай кеңес бересіз" деген хаттар көбейді"

"Пәлен күні ҰБТ тапсыратын едім, қорқынышымды қалай жеңсем болады", "ҰБТ тапсыратын түлекке қандай кеңес бересіз" деген хаттар көбейді. Шамамның жеткенінше ақылымды айтып, өз қыздарымның тәжірибесімен де бөлісіп бақтым.
⠀
Бұл ҰБТ бұрынғыдан өзгерек болады деп күтті ғой ел. Алдыңғыдай емес, осы жолы арақашықтық бір метр, одан бөлек ең басты қорқыныш министірдің айтқан сөзі еді-ау: "Шпор, телефонмен ұсталғанға бірден акт толтырылып, тестілеуден алыстатылады" деген жоқ па?!
⠀
Бірақ мына видеоның бір шетіне қарасаң баяғы жартас сол жартас, "кто успел, тот и съел" болып тұрған сияқты.
⠀
Енді бұл ҰЛЫ БІРЫҢҒАЙ ТӨҢКЕРІС (ҰБТ) білім көрсеткіші бола ала ма?
Әй қайдааам... Көшірген баланы көшірткен комиссия мен мұғалімді кінәләп жатыр шулап бәрі.
⠀
Шындығында кінәлі кім?
⠀
Мектептің рейтінгісін ойлап есі шыққан директір ме?
11 жыл бойы берген білімді қойып, шпаргалкі пайдалануды үйретуге көшкен мұғалім бе?
Бала грантқа түспесе, "қалай оқытам" деп сасқан ата-ана ма?
Келсін- келмесін әйтеу грант алайын деп жанталасқан оқушы ма?
⠀
Тестілеу жүйесін өзгертсе, ЖОО-на түсу форматын ауыстырса, сонда барып әділет орнайды мүмкін.
⠀
Десе де, сәттілік саған жас талапкер!
Шарықта!
Самға!
Талма!
Есіңде болсыншы, бұл тестілеу сенің тағдырыңды шешпейді!
Ең бастысы - адал болу!
Адам боп қалу!
Аллаға тәуекел ет! Білімеңе сен! Әр нәрсенің қайыры бар!
⠀
Ұл-қызы ҰБТ тапсыратын замандасым, бәріңізге Алла жар болсын! Қандай ұпай алып шықса да балаға оны қолдайтынымызды білдіретін сәт жетті!
⠀
Сіздер жақтағы тестілеу жайы қалай боп жатыр?
Біздің кезіміздегі емтихан жақсы еді иә 

Инстаграм парақшасынан