Қазақ қызы Америкада өткен "Бикини" байқауында елді өзіне қаратты (фото)

Ляззат Акшаева Америкада өткен Arnold Classic халықаралық бодибилдинг чемпионатының «Бикини» санаты бойынша жарияланған үздік ондық қатарына енді деп хабарлайды express-k.kz сайтына сілтеме жасаған UR.KZ.

Дене сымбатына көркі сай спортшы қыздың суреттері әлемнің аса танымал спорттық басылымдарына тарап кеткен.

Ақтау қаласының тұрғыны Ляззат ұзақ уақыт бойы өзінің жеке бапкері Нұрсұлтан Амантайдың басқаруымен спорттың осы түрімен айналысып келеді. Бойжеткен салауатты өмір салтын ұстанады, жаман әдеттерден аулақ.

2016 жылы бойжеткен "Маңғыстау аруы" атағын иеленіп, былтыр бодибилдинг және фитнес бойынша Орта Азия және Қазақстан чемпионаттарының бірінші орындарын қанжығасына байлаған. Оған қоса, Моңғолияда өткен әлемдік деңгейдегі жарыстарда топ жарды.

Отандасымыздың Құрама штаттарда болған Arnold Classic чемпионатындағы жетістіктері, жергілікті ұятмендердің наразылығын тудырды. Олар дене сымбатын көпшілік назарына ұсыну – қазақ қызы үшін жат дүние деген позицияны ұстанса керек.