Мадина Сәдуақасова желіде тараған шулы видеосына пікір білдірді
Отандық әнші Мадина Сәдуақасова әлеуметтік желедегі парақшасына «Медеу» спорт кешінінде түсірілген видео жариялаған болатын. Әншінің баспалдақтармен көтерілген сәті түсірілген видео желіде «жағымсыз нотада» тарап кетті. Әнші шулы видеосына қатысты Instagram желісінде пікір білдірді, - деп хабарлайды Alashainasy.kz тілшісі КҮН.КЗ-ке сілтеме жасап.
«Дәл қазір менің қасымда мобилографым отыр. Екеуіміздің тауға барған видеомыз өте көп таралып, неше түрлі пікір жазып жатыр. Негізі сол баспалдақпен көтерілген адам біледі. 900-ден аса баспалдақпен жоғары көтерілу оңай емес.
Екіншіден, камераның микрофоны өте сезімтал. Сондықтан бүкіл дауысым, демім, тіпті жүрек қағысымның ырғағы өте анық естілген. Сол үшін менің демім сіздерге солай естілген.
Негізі ол видеоға жыным қайнайды», — деп түсіндірді әнші шулы видеосын.
Айта кетейік, осыдан бірнеше күн бұрын Мадина Сәдуақасова мобилографы түсірген видеоны әлеуметтік желіге жариялаған.
Алайда желі қолданушылары әншінің бұл видеосын ұнатпай, түрлі пікір білдірген.
