Алтынай Жорабаеваның екінші күйеуі жатын бөлмеде ұсталып қалды
Әлеуметтік желідегі әр қадамын бірден интернетке жүктейтін әнші Алтынай Жорабаева тағы бір видеосымен елді елең еткізді. Бұл жолы Алтынай мен қазіргі жолдасы жатын бөлмедегі сәтті халыққа көрсеткен, - деп хабарлайды Alashainasy.kz тілшісі Экспресс К-ға сілтеме жасап.
Ғаламторда тараған бейнежазбаға зер салсақ, Алтынай ұялы телефонының камерасын қосып, жатын бөлмеге еш ескертусіз кіріп келеді. Ал төсекте алаңсыз жатқан екінші күйеуі алғашқыда сасып қалады. Ол қараңғы бөлмеде Жорабаеваның интернеттегі концертін тамашалап жатыр екен. Мұны көрген Алтынай бірден отағасын сұрақтың астына алады.
Не көріп жатырсың? Менің шығармашылығыммен енді танысып жатырсың ба? Көбіне осылай менің концерттерімді қарап отырады. "Сен әнді күшті айтасың" деп қоймайды да. Эх, сен менімен ойнапсың, — дейді Алтынай Жорабаева.
Айта кетейік, Алтынай бірінші күйеуі Сәбит Әбдіхалықовпен ажырасқаннан кейін Әлішер Есенғазин есімді азаматпен танысып, 2020 жылы екінші мәрте тұрмысқа шықты. Ол жігіт бұрын-соңды үйленбеген.
