2016 - Сәнді шаш үлгілері

Неге мән беру керек?
Әдемі әрі орнымен таңдалған шаш үлгісі кез келген жанды танымастай өзгерте алады. Ендеше, 2016 жылдың сәнді шаш үлгілері қандай болатынына көз жүгіртелік.

Боб-каре
Бұл шаш үлгісі бірнеше маусым бойы сәннен шыққан емес және әлі де алдыңғы қатарда тұр. Десе де, бірнеше жыл ертеректе қыздар боб-каренің мұқият күтімді қажет ететін қысқа түрлерін таңдаса, биылғы маусымда ұзынырқтары сәнде болмақ. Ал ол асқан ұқыптылықты қажет етпейді. Демек, толқын шашты қыздардың да көп уайымға салынбасы анық.

Каскад
Бұл да – стилистер тек алдыңғы орындарға қоятын шаш үлгілерінің бірі. Ал оның ұзындығы әрқалай болады. Сондай-ақ түрлі ұзындықта кесілген шаш қабаттары да кез келген сұлудың қалауындай. Биыл шаштың ұзындығына емес, шашқа көлем беру үшін кесілетін оның қабаттарының санына көбірек көңіл бөлген жөн. Ал сондай-ақ ол қабаттардың, әсіресе, шаштың түбіне қарай орналасуын қадағалаңыз. Өйткені биылғы сәнде көлемді шаш үлгілері болмақ.

Пикси
Бұл шаш үлгісі 1953 жылы Одри Хепберн «Рим демалысы» атты фильмге қысқа шашпен түскеннен кейін пайда болған. Әйелдердің басым бөлігінің шашы ұзын болған ол уақытта бұл шаш үлгісі ерекше еді. Бүгінде оның бірнеше түрі бар.
Пикси шаш үлгілері беті дөңгелек келген және шашы бұйра қыздарға ойдағыдай жараса қоймайды. Ал бет пішіні сопақ келген қыздар еш уайымдамастан пикси шаш үлгілерін жасатуларына болады.

Сондай-ақ 2016 жылы көлемді шаш үлгілері сәнде болмақ. Егер кекіліңіз болмаса, тезірек шаштаразға барыңыз. Өйткені кекіл де 2016 жылдың сәнінде болмақ.
anabol.kz