Жұмыртқа жөтелді жеңеді
Жұмыртқа ақуызға өте бай тағам түрі. Ал осы жұмыртқаның қоспасымен жөтелден жазылуға болатынын білесіз бе?
Бұл қоспа арқылы тіптен қазіргі медицинаның күші жете бермейтін жөтелдің асқынған түрінен де айығуға болады. Мен бұл рецепті кез-келген адамды аяққа тұрғызатын әжемнен алғанмын. Бірде ол осы рецептпен өте қатты асқынған бронхитті де емдеп жазған еді. Арада көп уақыт өткенімен жөтелді емдеу үшін мен осы көне халықтық емдеу түрін қолданамын.
Ең алдымен бір стакан сүтті қайнатып, оған 1 ас қасық сары май мен 1 ас қасық бал қосасыз. Үстінен жақсылап араластырылған жұмыртқаның сарысын қосып, соңынан аздаған (бір шымшым мөлшерінде) сода салады. Мұқият араластырыңыз. Қоспа дайын. Жөтеліңіз кеткенше күніне бір-екі реттен ішу керек. Бұл жылдам әсер ететін нағыз табиғи ем. Бұл сусынның бронхит, ларингит және трахеитпен күресуде де көп көмегі тиеді.
Томирис ҒАЛЫМЖАНҚЫЗЫ.
