Атаққа қызықпайтын мен үшін бір түрлі екен, мүмкін модадан қалып қойдым ба?!
Осы медаль таққан, отызға әлі толмаған жастардың фотолары көбейіп бара жатыр... Әлде қазір не болса соны тағып жүрген абырой ма?! 90 жылдары Ауған соғысына барып келген ағаларымыз медаль тағып жүретін. Ол кезде олардың жасы шамамен 30-дан асқан. Казір ненің Ауғаны, ненің еңбегіне бола медаль тағылып жатыр? Осыған мардымды жауап бар ма?!
Он жыл, жиырма жылдап сахнада жүрген өнер иелерін түсінем, лайықты еңбек қой... Ал жастардікі ше? Олар қандай еңбек етті?
Брежневтің заманы қайтып келгендей медаль үлестіру көбейіп барады. Өткен жылы анамның 35 жыл мәдениет саласына еткен еңбегі мен жеткен жетістіктері еленіп, «Ерен еңбегі үшін» деген медаль алды. Бұл марапат 35 жыл еңбегі мен өндірістің шаруалары үшін берілді. Сондай еңбек еткен адамдардың қасында... Қош, мына жастарға не жорық?
Мақсат Жақау
Facebook-тегі парақшасынан