Ұлттық бірігу, ықпалдасуға өте зәруміз.
Ұлт болып жұмылып, иық тіресу деген құндылықтар өте маңызды.
Сайлау ұлттық менталитеттің кемшіліктерін анықтап берді.
Ол да дұрыс. Өзіңнің кемшілігіңді өзің білсең, түзетуге оңай болады.
Ал енді, өз ағайынның біріне-бірі өте ауыр сөз айтып, көрместей болып жатқанына келетін болсақ, өтпелі кезеңнің уақытша сырқаты болса керек.
Өтеді, кетеді.
Жалпы, қоғамдық процессте пікірлер кереғар болып жатса, ол адамдар міндетті түрде бір-бірін көре алмас жау емес.
Жеке қарым-қатынасты саясаттан биік ұстаған дұрыс. Бізде ондаған жылдар саяси процесс болмаған, сондықтан саяси психология әлі қалыптасып үлгермеді.
Саяси көзқарастан тыс, одан жоғары халықтық, ұлттық платформа қажет. Оған зәру екенбіз.
Ол да келер...
Соған қызмет ету керек.
Ұлт бірлігі, саяси текетірестен биік, жоғары құндылық... "Әр қазақ - менің жалғызым".
Erlan Sairov
Фейсбуктегі парақшасынан