Қара шашты әйелдер.
Мұндай әйелдер әдетте айтқанынан қайтпайтын бірбеткей мінезді болып келеді. Айтар сөзін өктем айтып, жұрт назарының бірден өзіне ауғанын қалайтын жандар. Ұтымды әзіл айта білгенімен, кей кездері өткір тілімен орап, бірақ кісі жанына тигенін сездірмейтін мінезі бар.
Қоңыр шашты әйелдер.
Шашының түсі қоңыр немесе қоңыр сары әйелдер ашық мінезді, кең пейілді, кез келген адаммен тіл табыса алатын қасиетке ие жандар. Олардың жаны жомарттықты қалайды. Өзінің бойындағы қарапайымдылық пен тартымдылығын жоғалтпайды. Жасанды қылық жасауды ұнатпайды. Тал бойынан байсалды мінезі айқын көрініп тұрады.
Сарғыш шашты әйелдер.
Тумысынан шашы сары әйелдер мінезі байсалды әрі жұмсақ болып келеді. Көпшілігі мұндай әйелдерді қу әрі сырын ішіне бүккен тымырсық деп кінәлауы мүмкін. Дегенмен, олармен жақсы тіл табыса алатын болсаңыз, бойындағы ізгі қасиеттерімен қуанта алады. Ал олардың жүрегіне жол таба білетін ер адамдарға сары шашты әйелдер ерекше жан сұлулығын сыйлай алады.
Жирен шашты қыздар
Тумысынан жирен шашты әйелдер өте сирек кездеседі. Ал мұндай әйелдер жан жақты талантты болып келеді. Бір көргенде бұлардың бойынан қаталдықтың бір белгісін байқауға болады, секем де алып қаласың. Алайда олардың мінезі жайдары әрі сезімтал болып келеді.
Дидар Бегалиев
Facebook-тегі парақшасынан