Қыз алсаң — Қазақтан ал! Ары биік азамат, жүрегі жыр салтанат, ғұмыры ғажап махаббат ұрпақ өсіресің
Қыз алсаң — Шығыстан ал! Қалың малы аз деме. Аялай білсең — аруың, қадірін білмесең — бас ауруың! Жауласса — жықпай тынбайтын, достасса — жанын берер ұрпақ өсіресің
Қыз алсаң — Батыстан ал! Олар — шыншыл болып келеді. Ойындағасын жасырмай тіке айтады. Ел шетін жаудан қорғайтын Адайдай батыр ұрпақ тәрбиелейсің!
Қыз алсаң — Оңтүстіктен ал! Қымбат деме. Көп қалыңмал — қазақы, епті, керемет ұрпаққа салған алғашқы инвестициям деп есепте. Сәл күтсең — қайтарымы 40 есе!
Қыз алсаң — Сарыарқадан ал. Ақандай — сұрапыл, Жаяудай — қызыл тіл, Балуан Шолақтай — ұрпақ өсіресің!
Қыз алсаң — Жетісудан ал. Сүйінбайдай — сұңғыла, Бекболаттай — батыр, Райымбектей — ержүрек ұрпақ өнеді.
Қыз алсаң — Солтүстіктен ал! Сәбиттей — сезімтал, Ғабиттей — ғаламат, Айғанымдай — асыл ұрпақ өсіресің!
Қыз алсаң — Қазақтан ал! Ары биік азамат, жүрегі жыр салтанат, ғұмыры ғажап махаббат ұрпақ өсіресің.
Үйлен Қазақ, көбей Қазақ!
Тоқтар Жақаш
Facebook-тегі парақшасынан
