Қоғамды өз мақсатына қызмет еткізу үшін кино таптырмас насихат құралы

"Өнердің ішінде біз үшін ең маңыздысы кино" дегенді В.Ленин бекер айтқан жоқ..

Сыни көзқарасы қалыптаспаған қоғамды өз мақсатына қызмет еткізу үшін кино таптырмас насихат құралы..

Мысалы үшін, ауылдағы менің ағаларым Украина - Ресей текетіресі басталғалы - айдаладағы украиндерді жек көреді. Әрине, бұл Ресейлік телеарналардың арқасы..
Арқасы емес-ау, біздің елдегі жеңісі..

Кейінгі кездері Ресейлік телеарналар ОГПУ-НКВД-МГБ секілді кеңестік арнайы құрылымдарда қызмет еткен әйелдер туралы сериалдар түсіре бастады.
Фильмдердің фабуласы - "Отан үшін жеке бастың мүддесін ұмыту", "Мемлекеттік террорды" (қатардағы оперативтік қызметкердің оқиға орнында күдіктіні сотсыз атып тастай салуы) ақтау..
Мұның астарында не жатқанын шамалауға болады..
Бұл солтүстік көршіміз..

Ал Қытайлар не істеп жатыр?
Теледидарды сирек көргендіктен оны білмейді екенмін.
Ең қызығып көрген сериалдарым - осыдан оншақты жыл бұрын біздің телеэкрандарымызда жүрген "Шыңғыс хан" (Қытай) мен "Ва-банк" (Корея Республикасы)..
Екіншісінде Кореядағы протестанттық шіркеулер астыртын жарнамаланады..
Ал қытайлар түсірген "Шыңғысхан" телехикаясында "басты" рольде киноның өн бойында ең бір шешуші оқиғалар алдында қандай әрекет жасау керектігін Шыңғыс ханның құлағына "сыбырлап" кететін Ханның кеңесшілері - селдір сақал қытай кеңесшілер..

Менің осы сөздерімді теріске шығаратын кино немесе идеология маманы табылса қуанар едім..

Қазір біздің теледидарлар не көрсетіп жатыр?

Өмір Шыныбекұлы
Фейсбуктегі парақшасынан