Бір дін ғұламасы таңдаулы 400 мың хадис жинапты. Одан 40 мың хадис таңдап алыпты. Тағы 400 хадис бөлек алыпты. Одан 40 хадис бөліп шығарыпты. Тағы да бөліп, төрт мықты хадисті таңдап алыпты. Бұл хадистер: 1.Тойып тамақтанба! 2.Дүниеңмен мақтанба! 3.Пайдасыз іліммен немесе нәрсемен айналыспа! 4.Әйеліңе еш уақытта сенбе! Соңғы хадисті атам қазақтың: «Астыңдағы атыңа, қойныңдағы қатыныңа сенбе», - деген сөзі де қуаттайды.
Қазақ-қалмақ шапқыншылығы кезінде қазақ батырының әйелі қалмақ батырымен көңіл жарастырып жүреді екен. Күндердің күнінде қазақ батыры бір жиында отырса, «әйелі қалмақ батырымен қол ұстасып қашып кетіпті» деген суыт хабарды естиді. Намыстан жарылардай болған қазақ батыры қос ғашықтың бағытына қарай тазысын ғана ертіп, артынан қуа жөнеледі. Бірнеше уақыт жүріп байқап қараса, көк майсалы шөпте әйелі мен қалмақтың тамақтанып отырғанын көреді. Қылышын суырып тұра ұмтылады. Қалмақ та қарсыласа кетеді. Екеуі алыса бергеннен сілікпесі шығып әбден шаршайды. Ұрымтал сәтті байқаған өз әйелі қалмақ батырына болысып, байын екеулеп байлап тастайды. Сөйтіп ол бейшараны өлтіріп кетпекші болып оқтала бергенде, бәрін байқап жатқан құмай тазысы қалмақ батырының алқымынан тістеп өлтіріп тастайды. Сонымен қазақ батыры әйелін иттей қылып жетектеп үйіне әкеліп, тазысы тамақ ішкен итаяққа әйелін тамақтандырған екен...
Ерғали Нариманұлы
Facebook-тегі парақшасынан