“Маған енді 6 күн бересіз бе? - деп сұрапты Оноре де Бальзак өзін емдеген дәрігерден. - 6 күн - бұл көп емес қой… Мен өзімнің 50 том шығармамды жылдамдата қарап шығар едім… Оның нашар беттерін жұлып тастар едім. Жақсысына ажар бере түсер едім. Адамның жігері небір ғажапты тудырады. Мен өзім жасаған сол дүниелерге 6 күн ішінде мәңгі өлмес өмір берер едім”. Бұл — жазушының үзілер алдындағы соңғы сөзі еді".
***
Пушкиннің өлер алдында кітаптарына қарап: "Қош болыңдар, достарым" депті.
***
Ақын Төлеужан Ысмайылов: “Тез оқылар қызық кітап секілді, күндерімнің соңғы бетін жабайын”, - деп көз жұмыпты...
Бауыржан Сегізбаев
Facebook-тегі парақшасынан