"Өзбек - өз ағам" деген сөз Алтынорда ханы Өзбек ханға (1280 – 1342) арналып інілері тарапынан айтылған сөз екен. Кейін өзгеріп өзбектерге арналған сөзге айналып кеткен.
Сәбит Мұқанов өзінің досы, өзбек ақыны Айбекті «Айбек ака» деп шақырады екен(«Ака» дегені - «аға» дегені). Сонда Айбек: «Сабит ака, Сіздің жасыңыз менен үлкен емес пе, неге «ака» деп атайсыз?»,-деп сұрапты . Сонда Сәбең: «Бізде Өзбек деген хан болған, үлкен-кіші аса құрметтеп: «Өзбек ағам – өз ағам» деп атайды екен. Сіз өзбек болған соң Өз-ағамдай «Ака» дегенім - Сізге деген құрметім ғой», - депті Ташкенттегі бір кездесуінде. Мұны профессор Жаңабергенов деген өзбекстандық қарт қазақ ғалымы айтып берген еді. Демек, өзбек ұлтын өз ағамыз деп жүргеніміз бос сөз екен.
Ендеше осы біз неге өзбек ұлтын өз ағамыз деп санаймыз? «Өзбек – өз ағам» деген сөзді неге жиі қолданамыз? Меніңше, өзбек қазаққа ешқашан аға болған емес! Аға боп басынан сипаған жоқ! Қазақты ежелден дұшпанындай көретін өзбекті «өз ағамыз» деп өтірік дәріптеуді қоюымыз керек! Өзбектен аға болғанша, ағасыз жүргеніміз жақсы!
Қали Жолдасов
Facebook-тегі парақшасынан