Махаббаттың екі түрі бар. Бірі жеп-жеңіл, шаттыққа бөлеп, Горький парктегі тәтті мақтадай жұпар аңқып тұрады. Жігіті сыйлаған үлкен десте гүлден ғашығының нәзік қолдары қиыла жаздап, бетінің шұңқырына күлкі үйіреді. Ғашықтар күніне шоколадтан жасалған жүрек кәмпит сыйлап, бір-бірін қуантудан жалықпайды.
Екінші түрі драмаға толы, дәмі ащы, құдды талай жылдан бері салқын қоймада сақталған француздың шарабындай. Әйелдің жүрегінде жазылмас тыртық көбейеді, азаматтың ернінің айналасына әжім жыпырлайды. Мереке сайын бір-біріне сүйкімді сыйлық бермейді. Есесіне ауыр естеліктер жанына ыстық темірмен ен салғандай қинап тұрады.
© Алина Ермолаева, 2018
Аударған Шынар Әбілдә
Фейсбуктегі парақшасынан