Жайылым және егістік жерлерін киіктен қорғай алмаған жер иелері жерді мемлекетке қайтарсын..
Киіктерді атып, етін дүкенге шығару тәжірибесі қателеспесем, 1986 әлде 87 жылы болған...
КСРО билігі ол қадамға жетіскеннен барған жоқ...
Л.Брежневтің "Кемелденген социализм" деп жүргені шын мәнінде "тоқырау" болып шығып, 1980 жылдардың басында елде кейбір азық-түлік өнімдерінің тапшылығы сезіле бастады (#Дефицит, #Под_прилавка деген сөздер сол кезде шықты).
Экономиканың тоқырауға ұшырағанын ашық мойындамаса да іштей түсінген КПСС 1982 жылы көктемде "Азық-түлік бағдарламасы" дегенді қабылдауға мәжбүр болды...
Бағдарламаның сиясы кеппей жатып, 1982 ж. күзде Брежнев бақилық болды..
Одан кейінгі қариялар Андропов пен Черненко бірдеңе істеп үлгермей бірінің артынан бірі қайтыс болды..
1985 жылы билікке келген М.Горбачев "Қайта құру" деп ананы да, мынаны да істеп көрді...
Соның бірі киік атқызу еді...
Бірер ай дүкендерге түскен киік еті көп ұзамай дүкен сөрелерінен ғайып болды.
Сірә, ашқұрсақ кеңес халқын киік етімен тойындыру мүмкін бола қоймаса керек...
ҚР Үкіметі киік атуды жайылым және егістік жерлерді киіктердің таптап кетуімен түсіндіруге тырысып жатыр..
Ау, жер иелері!
Жерлеріңді күзете алмасаңдар, жер сұрап жүргендерге беріңдер!
facebook.com парақшасынан