Әйел тәрбиесі тақырыбына біздің қосар 5 тиын :-)
Жаңа үйленген бір жігіттің келіншегі күлегештеу болып шыққан көрінеді.
Жігіттің құрдастарымен қаттырақ қалжыңдасып, арты анайылау сөздерге айналып кететін жағдайлар көбірек болса керек. Жігітке бұл жақпағанмен қызғаншақ атанудан сескеніп, шыдайды.
Бірде келіншегінің әлдебір бөтен еркекпен ыржыңдасып тұрғанының үстінен түседі.
Әлгілер шошып қалады. Бөтен еркек зытады. Келіншек жағы үрпиіп күйеуінен оғаш қылық күтіп, кінәлі түрмен көзінің қиығымен қарап тұр. Бірақ жігіт келіншегін ұрмақ түгілі тырс еткен үн шығармайды.
Асықпай қалтасына қолын салып, үлкен монета шығарады да аспанға шертіп жіберіп, қайта қағып алады да, әйеліне кеттік деп бас изеп үйіне қайтады.
Сол күйі жігіт сыр бермейді.
Келіншек біраз күнге дейін қысылып, күйеуіне аяғының ұшымен қызмет етіп жүреді. Құрдастармен анайылау қалжың да тиылады.
Бірте-бірте ұмытылған секілді болады.
Келіншек құрдастармен қалжыңын қайта бастайды.
Жігіт қалтасынан монета шығарады да, қайта қағып алып қалтасына салып қояды.
Келіншектің жүзі құп-қу болып, қалжың сап тиылады.
Сондай жағдай бірнеше жылда бір қайталанып тұрады.
Тек абайлаңыз өлтіріп алып жүрмеңіз :-)
немесе #эпилог орнына..
Жылдар жылжып, бала-шаға есейіп, «45, женщина – ягодка опять" деген жылдар басталады.
Бала-шаға есейгенде, кейбір ақымақ қатынның күш алатыны болады.
Мына келіншек өзін сақтарлық ақылы болғанмен аузы батыр, әлде жатыры қағынған біреу болса керек. Бірде, күйеуі өз "ягодкасының" бір еркекпен ыржыңдасып тұрғанының үстінен түседі.
Қалтасынан монета шығара бергенде, әйел сылқ етіп құлайды. Жігіт байқаса, келіншегі жүріп кетіпті...
Өмір Шыныбекұлы
Фейсбуктегі парақшасынан