Демек шошқаны өсіруге құмбыл деген сөз

Мына постты жазғанмын. Әдейі...Себебі шошқаның діни үкімі белгілі. Яхудилер үшін де мұсылмандар үшін де...Бірақ соңғы уақытта субсидия көлемі туралы ауыл шаруашылығы министрлігі ақпаратынан кейін бұл тақырып әлемжеліде басты мәселеге айналды. Бізде ҚМДБ осы мәселелерге уақытында ден қойып, өз үкімін беріп отыруы тиіс жалғыз мекеме. Күттім. Содан қозғау салу мақсатында осы посты арнадым... Сонымен шәкірттерім, әріптестерім телефонға маза бермеді. Мынаны шынымен сіз жаздыңыз ба? деп. Ия мен жаздым. Ал үкімін беріңдер, енді.
Зайырлы бір мемлекеттегі мұсылмандардың муфтиаты бұл мәселеге қалай жауап беру керек?
Билік субсидия бөліп отыр..Демек шошқаны өсіруге құмбыл деген сөз. Мұның заманауи кеңістікте, құқықтық, әлеуметтік, экономикалық, тұтынушылық негіздері мен қажеттілігін діни тұрғыдан қалай негіздейсің?
Шошқаның еті харам дінде...Ал мұсылман шошқаны бағып қағып, кәсібіне айналдырса діни үкімі не болады?
Зайырлы мемлекеттің құрушылары қазақ мұсылмандары... ал мемлекеттің конституциясы бойынша біз бәріміз азаматпыз, сосын діни, ұлттық, тектік, әлеуметтік топтардан құраламыз. Не істеу керек?
Діни білім мен діни тұжырымдар уақыт пен кеңістікте қалай қатынас жасайды?
Кеңістік пен уақыт қажеттіліктеріне ислам дінін қалай бейімдеу керек? Мүмкін бе?
Міне осындай бірінен бірі туындап жатқан сұрақтарға жауап беру ең болмаса соған тырысу яки ғылыми таным мен діни таным арасын үндестіру деген ниетті ояту үшін де осы сұрақтарды қойып отырмын. Себебі ҚМДБ діни қоғамдық ұйымға қарағанда саяси мекемеге айналып кеткен сияқты көрінеді екен...