Қазір ана тілімізге "жаңа қазақ тілін" енгізгісі келіп жүргендер көп. Олар шұрайлы тіліміздің әр сөзіне балама іздеп әуре: брат, братан, базар жоқ, реально айтты, жарды, жыртты, өшті, лапша ілді, мат болды деген тіркестер соның дәлелі. Түсінбесеңіз, "аударып" берейін. "Базар жоқ" - айтуға сөзім жоқ, тамаша, өте жақсы, керемет дегені; "сындырды" - жігіт қыздың көңілін өзіне аударды, келісімін алды, қаратты, күшпен ақша жинап алды дегені, "лапша ілді, құлақтан тепті, қоянның суретін салып кетті" - алдап кетті, сазға отырғызды дегені, "картопты жарды" – әзілдеді дегені, "тартыл" - қатарға қосыл, кел дегені, "бітіп қалдым" – ғашық боп қалдым дегені, "жыртты" - өз дегеніне жетті, мақсатына қол жеткізді, таң қалдырды дегені, "қораға кірді" – сәтсіздікке ұшырады дегені, "мына қыз «ат» екен" - мына қыз сұлу екен дегені, "прикол ұстады" – мазақ етті, келеке қылды дегені, "мат қылды, өшірді" - жеңді дегені...
Енді үлкен кісілерді "аташка", "апашка", "әжешка", "әпшека", "ағашка", "жеңгешка" деп ныспылау жаппай етек алып бара жатқан сыңайлы. Бұл солтүстіктегі көршіміздің "дедушка", "бабушка", "братишка", "сестричка" дегенінен туындаған қаратпа сөздер сияқты...
Апаларымыз не дер екен? "Апашка" деген ұнай ма екен оларға?
facebook.com парақшасынан