Бір дөкей ұшақта бантик таққан мектеп оқушысымен қатар отырып қалыпты. Қарап отырғанша жол қысқарсын деген оймен қасындағы қыздан:
- Қызым, мектепте оқу қиын боп жүрген жоқ па? Егер түсінбей жүрген сабақтарың, сұрақтарың болса менен сұрай берсең болады, -депті бұрылып. Қыз:
- Шынымен барлық сұрақтың жауабын бере аласыз ба?
- Әрине! Мен деген бүтін бір елдің білім-ғылымын басқарып отырған көкеңмін ғой. Мен білмесем ұят болар. Кез-келген түсініксіз нәрсені сұрай бер қысылмай, -деп бөсіңкірепті.. Оқушы:
- Онда көке, мен мынаған түсінбей жүрмін. Қой, сиыр, жылқы бәрі бір өрісте жайылады. Жейтін шөптері де, ішетін сулары да бірдей. Онда неге қойдың тезегі кішкентай майда сопақша? Сиырдыкі жападай жалпақ? Жылқының қиы үлкен-үлкен домалақ?...
Дөкей басын қасып, әрі-бері ойланып, не дерін білмей, оқушыға:
- Мына сұрағыңның жауабын таппадым. Бұдан басқа нәрсе сұрашы, -десе. Қыз:
- Боқты да білмейді екенсіз. Басқа не сұрайын сізден көке?!..-депті..))
Талғат Айтуарұлы
Фейсбуктегі парақшасынан