Аңыз футболшы Роналдиньоның ұлы Жуан Мендес "Барселона" футбол клубының жастар командасында доп тебетін болды, деп хабарлайды KAZ.NUR.KZ тілшісі.
Бұл ақпаратты "Барселона" футбол клубы Twitter әлеуметтік желісіндегі парақшасында растады. Алайда каталониялық ұжым мен жас шабуылшының нақты қандай келісімшартқа отырғаны жария етілмеген. Айта кетейік, Роналдиньо 2003-2018 жылдары "Барселона" сапында өнер көрсеткен. Ол каталониялық ұжыммен бірге Чемпиондар лигасын, екі рет Испания біріншілігі мен Испания Суперкубогын жеңіп алған. Сонымен қатар жартылай қорғаушы Бразилия құрамасы сапында Әлем чемпионы атанды.