Келер жылдары қалалық жүйелерді заманауи, ғылыми жетістіктермен жаңғырту басталады. Қарағанды облысының әкімі Ерлан Қошановтың тапсырмасы бойынша мамандар «Siemens» компаниясы инженерлерінің тәжірибесін үйренуге барады.
Аймақ әкімдігінен хабарлағандай, EXPO 2017 көрмесінде болған Е.Қошанов «Siemens» компаниясының корпоративті павильонында болып, «ақылды қала» технологиясымен танысқан. Ол күллі көрме кешенінің құрылысы барысында қолданылған. Оның негізі электр жарығын беру, су, жылу және қауіпсіздік жүйесі арнайы бағдарламамен реттеліп отырады, мұнымен қоса автоматты түрде анықталады. Осылайша қызмет көрсету процесіне адам аз тартылады және ақаулар пайда болған сәтте анықталады.
Ерлан Қошанов қарағандылық мамандарды «Siemens» компаниясының аталмыш технологиясымен танысуға жіберуді тапсырды. Бұл неміс компаниясының әлем бойынша заманауи технологиялы құрылыс жобаларын жасақтауда тәжірибесі мол.