Сауда алаңы үшін айқас: кім жеңеді?

  • 17
Сауда алаңы үшін айқас: кім жеңеді?

Павлодарда соңғы уақытта облыс орталығындағы Гагарин саябағы адам танымастай өзгеріп, қала тұрғындары мен қонақтарының демалуына ыңғайлы жағдай жасалды. Тек балаларға арналған тәттілерді сататын орынға қатысты тартыс туындап отыр, - деп хабарлайды Alashainasy.kz тілшісі Іnbusiness.kz-ке сілтеме жасап.

Былтырдан бері қаланың байырғы саябағында кең ауқымды жаңғырту жұмыстары жүргізілді. Құрғақ субұрқақ, шағын футбол алаңы, тастан жасалған шахмат үстелі, мәрмәр орындықтар қойылып, алғаш рет ерекше балаларға арналған инклюзивті ойын аумағы жабдықталды. Жұрт назарының қызу талқысына түскен мүсіндер де орнатылды. Мәселен, биылғы жазға дейін талай адамның мазасын алған масаны жеңген инеліктің құрметіне оның бетон, металл мен шыны пластигінен арнайы жасалған мүсіні саябақтың сәнін келтірді. Оған бюджеттен 2 млн теңге бөлінді. Сол сияқты 2 млн теңгеге "Періште қанаттары", тағы 3 млн теңгеге "Кітап күші" мүсіндері орнатылды.

 

Талай жыл қараусыз қалған саябақ қайтадан көпшілік жиналатын жақсы орынға айналғандықтан кәсіпкерлер де бұл ортада азын-аулақ табыс табуды ойлады. Сөйтіп, жергілікті әкімдіктен саябақ аумағында сауда-саттықпен айналысуға рұқсат беретін арнайы қағазды сұрады. Оны бизнес өкілдері үш айдан аса уақыт күтті. Жергілікті 25 кәсіпкер тіркеу куәлігін алған соң құрал-жабдықтар, қажетті өнімдер сатып алып, өздеріне белгіленген аумақты әрлеп, кәсібін бастауға кіріскені сол еді, алдарынан тағы да кедергі шықты.

 

Белгілі болғандай, әлеуметтік желінің кейбір қолданушылары саябақ аумағында сауда алаңының ұйымдастырылуына қарсылық білдірген. Олардың сөзінше, балаларға арналған шағын көліктер саябақ ішінде емін-еркін жүруге қолайсыздық тудырады. Оған қоса, түрлі тәттіге қызыққан балақайлар ата-аналарына байбалам салып, балмұздақ, шырын әперуге итермелейді. Мұның барлығы ересектердің қалтасын жұқартатын көрінеді.

 

Кейін осы мәселе төңірегінде жергілікті билік өкілдері Гагарин паркіне келушілер арасында сауалнама жүргізді. Соның барысында кей тұрғындар сауда алаңының болғанында еш сөгеттік жоғын алға тартса, енді бірі олардың болмағаны дұрыс деген пікірін білдірді.

 

Осының барлығын ескере келе жергілікті әкімдік 25 кәсіпкерді басқа жерге көшіруде ұйғарған көрінеді. Бірақ бизнес өкілдерінің өздері бұған келіспей отыр.

 

"Біздің осы жерде қалып, саудамызды жүргізсек дейміз. Өзі бар-жоғы екі ай ғана жұмыс істейміз. Одан соң онсыз да ауа райына байланысты саябақта тауар саудалап, қызмет көрсететін мүмкіндік болмайды. Қазір жұмыс тұралап тұр. Аз да болса пайда көрудің орнына шығынға батып жатырмыз. Маусымдық тауарды ұзақ уақыт сақтауға келмейді. Оны бүгін-ертең сатпасақ, тақырға отырып қалуымыз мүмкін", - дейді кәсіпкер Гүлсім Қабекова.

 

Оларға ұсынылған саябақ маңындағы жерде сауда-саттық жасауға жайлы жағдай қарастырылмаған. Жолдың бойындағы аумаққа кіретін жол жоқ. Тоңазытқыштарды іске қосу да мүмкін емес. Себебі мұнда электр желісі тартылмаған.

 

"Тұрғындар саябаққа демалу үшін келсе, ешқандай мәселе жоқ. Ал егер өздеріне, балаларына тәтті өнімдерді сатып алуды қаласа, кәсіпкерлерге ұсынылған, 50 метр алшақтықта ғана орналасқан арнайы орынға бару еш қиындық тудыра қоймас", - дейді қалалық кәсіпкерлік және ауыл шаруашылығы бөлімінің басшысы Батыр Мүтәлапов.

 

Бұл ретте әкімдік кәсіпкерлерді күштеп саябақ аумағынан шығармайтынын да алға тартты. Бұл мәселе алдағы уақытта дөңгелек үстел барысында тағы бір мәрте талқыланбақ. Себебі кәсіпкерлерге ұсынылған орын олардың көңілінен шықпай отыр. Жаздың болса жартысы өтті. Бұл ретте кімнің сөзі "өтеді" екен? Саябақ ішіндегі жалға берілетін шағын көліктер мен балмұздақ дүңгіршектеріне наразы әлеуметтік желі қолданушыларының ба, кәсібін дөңгелетуді қалайтын бизнес өкілдерінің бе, әлде жергілікті биліктің бе? Осы сауалдың жауабы таяу күндері белгілі болуы тиіс.

 

Айта кетейік, бұған дейін жергілікті әкімдік қаладағы стационарлық емес сауда орындарын орналастыруға арналған 26 учаскені белгілеген-ді. Олардың ішінде саябақтар мен скверлер, бау-бақша өнімдерін сататын орындар кіреді. Мысалы, жоғарыда аталған Гагарин саябағында тәтті мақта, балмұздақтар мен салқын сусын сату, көліктер мен велосипедтерді жалға беруге арналған 10-нан астам орын қарастырылды. Олардың барлығы бірыңғай типтегі павильондар болуы тиіс екені тағы бар. Бірақ, кәсіпкерлердің сөзінше, әкімдік әзірше бірдей типтегі павильондардың эскизін ұсынған жоқ.

 

 

 

 

Автор
Последние статьи автора
Кадрлық резерв. Ол қай жағдайда компанияны құтқарады, ал қашан қызметкерлерге теріс ықпал етеді?
  • 182
Кадрлық резерв. Ол қай жағдайда компанияны құтқарады, ал қашан қызметкерлерге теріс ықпал етеді?
Қайтыс болған адамның заттарын сақтауға бола ма?
  • 233
Қайтыс болған адамның заттарын сақтауға бола ма?
Лучшие легальные букмекеры
1xbet
Бонус до 200 000 тенге
Winline
Бесплатная ставка до 20 000 тенге
Tennisi
Бесплатные 5 000 тенге
Fonbet
Бонус до 200 000 тенге
Цифра
50
50 км/ч – именно с такой средней скоростью промчался вчера по афинской трассе Вячеслав Екимов

50 км/ч – именно с такой средней скоростью промчался вчера по афинской трассе Вячеслав Екимов, чтобы завоевать серебро в велогонке с раздельным стартом.
1900
Году

Бокс был узаконен как вид спорта
2,5
ГРАММА

Масса мячика для игры в настольный теннис
5
Олимпийских колец

символизируют единство пяти континентов, хотя ни одно из них не является символом какого-то конкретного континента. Цвета колец — синий, красный, желтый, зеленый, черный, — были выбраны, как наиболее часто встречающиеся на флагах государств мира.
130
км/час

С такой скоростью летит мяч, после удара профессионального волейболиста