Қазақстанда жұмыртқа бағасы шарықтап кетті
Тапшылық болмаса да, бағасы шарықтап кеткен, деп хабарлайды «Хабар 24».
Мамандардың айтуынша қымбатшылыққа құс тұмауы әсер еткен болуы мүмкін. Әрі сұраныс та артқан. Қазір сауда орындарында жұмыртқаның 10 данасы 600 теңге шамасында сатылып жатыр. Ең қымбат баға елордада. Мұнда 620 теңгеден.
Зейнолла Шәріпов, ҚР АШМ аграрлық азық-түлік нарықтары, органикалық өнім және техникалық реттеу департаментінің директоры: &ndash Біз өнімнің не себепті қымбаттап кеткенін анықтайтын боламыз. Негізі тауар бағасын бәсекелестікті қорғау және дамыту агенттігінің мамандары қадағалау қажет. Олар мониторинг жүргізеді. Жаз мезгілінде сұраныс азайып, жұмыртқаның бағасы төмендейді деп ойлаймыз. Қазір сол агенттікпен бірлесіп бұл мәселені анықтап, жағдайды тұрақтандыру бойынша жұмыстар жүргізетін боламыз.
