Прага соты қарағандылық шенеунік Мәдина Әшірованың пәтерін қарызы үшін тартып алды, - деп хабарлайды Alashainasy.kz. Бұл туралы Ulysmedia.kz тілшісі Выход к морю Telegram арнасына сілтеме жасап жазды.
Ағымдағы жылдың шілде айының соңында Прага соты Lambiance Ltd s.r.o. салық міндеттемелері үшін қарыздарын өндіріп алу процесін аяқтады. Бұл салық міндеттемелері біраз уақыт өтелмеген. Мәселен, Қарағанды қаласындағы мемлекеттік мамандандырылған қызметтерді көрсету орталығының басшысы Мәдина Әшіроваға тиесілі серіктестік ұзақ жылдар бойы төлемнен жалтарып келген.
Нәтижесінде чехиялық Lambiance Ltd s.r.o. компаниясына тіркелген Әшіровтер отбасына тиесілі мүлік аукционға шығарылды. Әшіровтер отбасына тиесілі пәтердің сатылуы аукционда өтіп, ол жаңа иесінің атына аударылды. Осыған байланысты Мәдина Әшірова ұлы мен қызы Чехиядағы жосықсыз салық төлеушілер тізіліміне енгізілді.
Мәдина Әшірова – Қарағандыға танымал тұлға. Әр кезеңдерде жергілікті зообақта, қалалық саябақта басшылық қызметтер атқарып, мәслихат депутаты болды. Биыл қалалық мәслихат сайлауына «Аманат» партиясынан да қатысып, жеңіске жете алмады.
Әшіровтер отбасы 2008 жылдың маусым айында Прагадан пәтер сатып алған. Ресми түрде ол Lambiance Ltd s.r.o.-да тіркелген, онда меншік үлестері келесідей бөлінген: 60% қызы Әнел Әшіроваға, 20% ұлы Айдын Әшіровке, қалған 20% Мәдина Әшіроваға тиесілі.
Пәтер ауданы 83,5 шаршы метрді құрайды және Прага маңындағы саябақтармен қоршалған кішкентай Цисарка ауылында орналасқан. Алайда, бұл мүлік тіркелген серіктестікке салық дұрыс төленбегендіктен қарыздар пайда болған. 2018 жылы Lambiance Ltd s.r.o. әлеуметтік және медициналық сақтандыру бойынша қарыздарын төлеуге міндеттелді.
Нәтижесінде биыл сот орындаушылар пәтер сатылған аукционды бастады. Дегенмен, сату бағасы болжанғаннан төмен болды және жаңа иесі күткеннен айтарлықтай аз төледі.
Соңғы сағатта көп оқылған жаңалықтар осында Massaget.kz