Оқушылардың ораза ұстауына бола ма? Имам Нұрлан Байжігітұлының жауабы

Имам Нұрлан Байжігітұлы оқушылардың ораза ұстауына қатысты сұраққа жауап берді, деп хабарлайды Zakon.kz "Астана" телеарнасына сілтеме жасап.

Имамның сөзінше, оқушылар ең әуелі денсаулығына мән беруі керек. Сабақта ұйықтап, оның оқуына зияны тисе, онда ораза ұстамағаны жөн.

"Балалар балаға қарап еліктеп, ораза ұстауы бұл қоғамның түпкі тәлім-тәрбиесіне келіп тіреледі. Ол да бір үлес. Бірақ ораза ұстаған балалар бір нәрсені аңғаруы керек. Денсаулығына қарауы керек. Жалпы оразаның негізгі шарты сол ғой, адамға зиян келмейтін адам ораза ұстауы керек. Ораза арқылы басы айналып құлап қалмауы керек, оның оқуына зияны тимеуі керек. Сабақта отырып, ұйықтап қалатындай болмау керек".Нұрлан Байжігітұлы